तरुणीची गळफास घेऊन आत्महत्या
तेल्हारा : शहरातील सिद्धार्थनगर परिसरात एका २० वर्षीय तरुणीने गळफास घेऊन आत्महत्या केल्याची घटना बुधवारी (दि. २८) घडली. समीक्षा भानुदास शिवणकार असे मृत तरुणीचे नाव असून, तिने आपल्या राहत्या घरी साडीच्या साहाय्याने गळफास घेऊन जीवन संपवले. या घटनेबाबत मृत तरुणीचे वडील भानुदास सुखदेवराव शिवणकार यांनी तेल्हारा पोलिस ठाण्यात माहिती दिली. त्यांच्या फिर्यादीवरून तेल्हारा पोलिसांनी भारतीय न्याय संहिता कलम १९४ अन्वये अकस्मात मृत्यूची नोंद केली आहे. तेल्हारा पोलिस ठाण्याचे प्रभारी ठाणेदार यांच्या मार्गदर्शनाखाली पुढील तपास सुरू आहे. आत्महत्येमागील नेमके कारण अद्याप स्पष्ट झालेले नाही
