राज्यात मान्सूनला अजून प्रतीक्षा; आजपासून वादळी पावसाचा इशारा, शेतकऱ्यांना पेरणी न करण्याचे आवाहन१० जूनपूर्वी मान्सून आगमनाची शक्यता कमी; विदर्भ, मराठवाडा,क्ष मध्य महाराष्ट्र व खान्देशात मेघगर्जनेसह पावसाचा अंदाज

राज्यात मान्सूनला अजून प्रतीक्षा; आजपासून वादळी पावसाचा इशारा, शेतकऱ्यांना पेरणी न करण्याचे आवाहन१० जूनपूर्वी मान्सून आगमनाची शक्यता कमी; विदर्भ, मराठवाडा,क्ष मध्य महाराष्ट्र व खान्देशात मेघगर्जनेसह पावसाचा अंदाज

अकोला: राज्यात मान्सूनच्या आगमनाकडे सर्वांचे लक्ष लागले असतानाच हवामान विभागाने महत्त्वाचा अंदाज जाहीर केला आहे. पुढील तीन ते चार दिवसांत नैऋत्य मान्सून केरळ, तामिळनाडू आणि अरबी समुद्राच्या दक्षिण भागात आणखी पुढे सरकण्याची शक्यता असली, तरी महाराष्ट्रात मान्सूनचे आगमन किमान १० जूनपर्यंत होण्याची शक्यता नसल्याचे वेधशाळेने स्पष्ट केले आहे.

दरम्यान, राज्यातील अनेक भागांत आजपासून वादळी वाऱ्यासह पावसाची शक्यता वर्तविण्यात आली आहे. विदर्भ, मराठवाडा, मध्य महाराष्ट्र, खान्देश तसेच कोकणातील काही भागांत मेघगर्जना, विजांचा कडकडाट आणि हलक्या ते मध्यम स्वरूपाच्या पावसाचा अंदाज हवामान विभागाने व्यक्त केला आहे. मात्र हा पाऊस मान्सूनपूर्व असून त्याचा मान्सूनच्या आगमनाशी कोणताही संबंध नसल्याचे हवामान तज्ज्ञांनी स्पष्ट केले आहे.रविवारी मराठवाड्यातील परभणी आणि पूर्णा तालुक्यात काही ठिकाणी वादळी वाऱ्यासह पावसाने हजेरी लावली. तट्टजवळा परिसरात मेघगर्जनेसह गारपिटीची नोंद झाली. अचानक झालेल्या या पावसामुळे काही भागांत उष्णतेपासून दिलासा मिळाला असला तरी शेतकऱ्यांची चिंता कायम आहे.शेतकऱ्यांसाठी महत्त्वाचा इशाराकृषी विभाग आणि आपत्ती व्यवस्थापन विभागाने शेतकऱ्यांना सावध राहण्याचे आवाहन केले आहे. वादळी पावसामुळे निर्माण होणाऱ्या आर्द्रतेला मान्सून समजून पेरणीची घाई करू नये, असा सल्ला देण्यात आला आहे. मान्सून स्थिरपणे दाखल झाल्यानंतरच पेरणीचे नियोजन करावे, अन्यथा बियाणे व आर्थिक नुकसान होण्याचा धोका असल्याचे विभागाने म्हटले आहे.हवामान विभागाचा अंदाज विदर्भ, मराठवाडा, मध्य महाराष्ट्र आणि खान्देशात वादळी पावसाची शक्यताकाही भागांत विजांचा कडकडाट आणि जोरदार वारे वाहण्याचा अंदाजकोकणातही हलक्या ते मध्यम स्वरूपाच्या पावसाची शक्यता१० जूनपूर्वी महाराष्ट्रात मान्सून दाखल होण्याची शक्यता अत्यल्पशेतकऱ्यांनी पेरणीसाठी आणखी काही दिवस प्रतीक्षा करावीराज्यातील शेतकरी, नागरिक आणि प्रशासनाचे लक्ष आता मान्सूनच्या पुढील वाटचालीकडे लागले असून, येत्या आठवड्यात हवामानातील बदलांवर सर्वांची नजर असणार आहे.