अल्पवयीन मुलीवर अत्याचारअल्पवयीन मुलीवर अत्याचार
जळगाव : कामानिमित्त जळगावातआलेल्या तरुणाने कामाच्याच ठिकाणी ओळखीचा गैरफायदा घेत १५ वर्षीय मुलीवर वारंवार अत्याचार केला. याप्रकरणी मध्य प्रदेशातील दमोय (जि. उमरिया) येथील एका तरुणाविरुद्ध तालुका पोलिसात गुन्हा दाखल झाला आहे. संशयित आरोपी पसार झाला आहे. निमखेडी शिवारात अन्य ठिकाणचे काही कुटुंब कामानिमित्त आलेले आहेत.त्यात मध्य प्रदेशातील हा तरुणदेखील कामासाठी येथे आला. त्याची पीडित मुलीच्या कुटुंबाशी ओळख झाल्याने त्याचे त्यांच्या घरी नेहमी येणे-जाणे सुरू होते. या ओळखीचा गैरफायदा घेत त्याने या कुटुंबातील १५ वर्षीय मुलीवर सहा महिन्यांपूर्वी अत्याचार केला. नंतरही तो तिच्यावर अत्याचार करत होता. मुलीने याविषयी घरी सांगितले आणि तालुका पोलिसात १९ डिसेंबर रोजी फिर्याद दिली. तपास सहायक निरीक्षक अनंत अहिरे करीत आहेत.
