मराठी पत्रकार परिषदेचे ४४वे अधिवेशन उदगीर येथे; पत्रकारांनी मोठ्या संख्येने सहभागी व्हावे – सिद्धार्थ शर्मा१८-१९ एप्रिलला भव्य आयोजन; मुख्यमंत्री देवेंद्र फडणवीस यांच्या हस्ते उद्घाटन

मराठी पत्रकार परिषदेचे ४४वे अधिवेशन उदगीर येथे; पत्रकारांनी मोठ्या संख्येने सहभागी व्हावे – सिद्धार्थ शर्मा१८-१९ एप्रिलला भव्य आयोजन; मुख्यमंत्री देवेंद्र फडणवीस यांच्या हस्ते उद्घाटन

अकोला : महाराष्ट्रातील पत्रकारांची मातृसंस्था म्हणून ओळखल्या जाणाऱ्या मराठी पत्रकार परिषद, मुंबईच्या ४४ व्या वार्षिक अधिवेशनाचे आयोजन १८ व १९ एप्रिल रोजी लातूर जिल्ह्यातील उदगीर येथे करण्यात आले आहे. या भव्य अधिवेशनाचे उद्घाटन मुख्यमंत्री देवेंद्र फडणवीस यांच्या हस्ते होणार असून, पत्रकारांनी मोठ्या संख्येने उपस्थित राहावे, असे आवाहन परिषदेचे माजी अध्यक्ष सिद्धार्थ शर्मा यांनी केले आहे. या अधिवेशनास मराठी पत्रकार परिषदेचे मुख्य विश्वस्त एस. एम. देशमुख यांच्या अध्यक्षतेखाली विविध मान्यवर उपस्थित राहणार आहेत. यामध्ये सार्वजनिक बांधकाम मंत्री शिवेंद्रराजे भोसले, माजी मंत्री राजेंद्र दर्डा, परिषदेचे अध्यक्ष मिलिंद आष्टीवकर, विश्वस्त किरण नाईक, शरद पाबळे, सरचिटणीस सुरेश नाईकवाडे आदींसह अनेक पदाधिकारी सहभागी होणार आहेत.पत्रकारितेच्या विविध विषयांवर चर्चाया अधिवेशनात वृत्तपत्रांचे प्रश्न, पत्रकारांच्या समस्या तसेच आधुनिक साधनसामग्रीच्या युगातील गतिमान पत्रकारिता या विषयांवर सखोल चर्चा व मार्गदर्शन करण्यात येणार आहे.अकोला व विदर्भातील पत्रकारांना विशेष आवाहनअकोला जिल्ह्यासह नागपूर व अमरावती विभागातील पत्रकारांनी मोठ्या संख्येने सहभागी व्हावे, असे आवाहन करण्यात आले आहे. अकोट, तेल्हारा, बाळापूर, पातूर, मूर्तिजापूर, बार्शीटाकळी आदी तालुक्यांतील पत्रकारांनी जिल्हा पत्रकार संघाशी संपर्क साधून नियोजन करावे, असे आवाहन अकोला जिल्हा पत्रकार संघाचे अध्यक्ष शौकत अली मिरसाहेब, सरचिटणीस प्रमोद लाजूरकर, सहचिटणीस संजय खांडेकर, दीपक देशपांडे, विजय शिंदे, सत्यशील सावरकर, उपाध्यक्ष रामदास वानखडे, दिलीप देशमुख यांनी केले आहे.