पहाटे तीनच्या सुमारास लागली आग; शॉर्टसर्किटमुळे दुर्घटना झाल्याचा प्राथमिक अंदाज

> *अकोल्यातील गांधी रोडवर भीषण आग; सहा-सात रेडिमेड कपड्यांची दुकाने जळून खाक*

पहाटे तीनच्या सुमारास लागली आग; शॉर्टसर्किटमुळे दुर्घटना झाल्याचा प्राथमिक अंदाज

अकोला : शहरातील गजबजलेल्या गांधी रोड परिसरात असलेल्या बिंदी घर परिसरातील रेडिमेड कपड्यांच्या दुकानांना भीषण आग लागून सहा ते सात दुकाने पूर्णपणे जळून खाक झाल्याची घटना पहाटे घडली. ही दुकाने सिटी कोतवाली पोलीस ठाण्याजवळ असल्याची माहिती मिळाली आहे.पहाटे अचानक लागली आग मिळालेल्या माहितीनुसार, रात्री तीन ते साडेतीनच्या दरम्यान या दुकानांमध्ये अचानक आग लागली. सुरुवातीला धूर आणि ज्वाळा दिसताच परिसरातील नागरिकांनी तात्काळ अग्निशमन विभागाला माहिती दिली. त्यानंतर घटनास्थळी दाखल झालेल्या अग्निशमन दलाच्या जवानांनी मोठ्या प्रयत्नांनंतर आग आटोक्यात आणली.शॉर्टसर्किटचा प्राथमिक अंदाज अग्निशमन विभागाने दिलेल्या माहितीनुसार, शॉर्टसर्किटमुळे आग लागल्याचा प्राथमिक अंदाज वर्तविण्यात येत आहे. मात्र आगीचे नेमके कारण अद्याप स्पष्ट झाले नसून पुढील तपास सुरू आहे.लाखो रुपयांचे नुकसान जळालेली सर्व दुकाने रेडिमेड कपड्यांची असल्यामुळे त्यामध्ये मोठ्या प्रमाणात माल साठवून ठेवण्यात आला होता. आगामी ईद आणि इतर सणांच्या पार्श्वभूमीवर दुकानदारांनी नवीन कपड्यांचा मोठा साठा करून ठेवला होता. त्यामुळे या आगीत लाखो रुपयांचे नुकसान झाल्याचा प्राथमिक अंदाज व्यक्त करण्यात येत आहे.जीवितहानी टळली या आगीत सुदैवाने कोणतीही जीवितहानी झाली नाही, मात्र व्यापाऱ्यांचे मोठे आर्थिक नुकसान झाले आहे. घटनेची माहिती मिळताच परिसरात नागरिकांची मोठी गर्दी जमली होती.