अकोल्यात कृष्ण-राम भक्तांची अनोखी फुलांची होळी; सामाजिक समरसतेचा संदेश मोठे राम मंदिरात पारंपरिक नैसर्गिक रंगोत्सवाचा प्रारंभ; भजन-कीर्तनात भक्त मंत्रमुग्ध

अकोल्यात कृष्ण-राम भक्तांची अनोखी फुलांची होळी; सामाजिक समरसतेचा संदेश मोठे राम मंदिरात पारंपरिक नैसर्गिक रंगोत्सवाचा प्रारंभ; भजन-कीर्तनात भक्त मंत्रमुग्ध

अकोला : संत गजानन महाराजांच्या पावन स्पर्शाने पवित्र मानल्या जाणाऱ्या मोठे राम मंदिर येथे कृष्ण व राम भक्तांच्या सहभागातून अनोख्या फुलांच्या होळी उत्सवाचा शुभारंभ उत्साहात झाला. ‘होली के रसिया’च्या गजरात आणि ढोल-वादनाच्या निनादात वातावरण भक्तिरसाने भारावून गेले. या उपक्रमातून सामाजिक समरसतेचा संदेश देण्यात आला. वृंदावन-मथुरा येथील परंपरेप्रमाणे नैसर्गिक रंग व फुलांच्या होळीची संकल्पना सुमारे पंचवीस वर्षांपूर्वी विविध धार्मिक-सामाजिक संस्थांच्या पुढाकारातून सुरू झाली. श्री जानकी वल्लभो धर्मार्थ संस्था, श्रीराम हरिहर संस्था, पुष्करणा चेतना समिती आणि श्रीराम नगर मित्र मंडळ यांच्या संयुक्त विद्यमाने मातृशक्ती, युवाशक्ती व सर्व समाजघटकांच्या सहभागातून हा उपक्रम दरवर्षी साजरा केला जातो.

कार्यक्रमाच्या प्रारंभी मंदिर अध्यक्षा सुमनदेवी अग्रवाल यांच्या हस्ते श्रीराम व श्रीकृष्ण प्रतिमेचे पूजन करण्यात आले. विविध पुरोहित व समाजप्रतिनिधींनी वेदमंत्रोच्चारात पूजा-अर्चा केली. त्यानंतर “होली के रसिया”, “श्याम आज बिरज में होली”, “राधाराणी” आदी भक्तिगीतांनी भक्तांना मंत्रमुग्ध केले. खामगावहून आलेल्या गायकांनी व राधाकृपा सत्संग मंडळाने सादर केलेल्या भजनांनी कार्यक्रम रंगतदार झाला.

गिरीश जोशी यांच्या कल्पनेतून सुरू झालेल्या या परंपरेला गिरीराज तिवारी, अनिल मानधने, विलास अनासने आदींच्या सहकार्याने सातत्य मिळाले आहे. अनेक स्वयंसेवक, कलाकार, ढोलकवादक तसेच विविध सामाजिक संस्थांच्या कार्यकर्त्यांनी सेवा देत कार्यक्रम यशस्वी केला. महिलांचा सहभाग विशेष लक्षणीय होता. दहा दिवस उत्सवाची मालिका

शहरातील विविध ठिकाणी पुढील दहा दिवस हा उत्सव वेगवेगळ्या कार्यक्रमांसह साजरा होणार असून रामभक्त व कृष्णभक्त मोठ्या संख्येने सहभागी होत आहेत. फुलांची उधळण, भक्तिगीते आणि आनंदोत्सवाच्या वातावरणात साजरा झालेला हा उत्सव केवळ धार्मिक नव्हे तर सामाजिक एकात्मतेचा संदेश देणार