स्वराज्य प्रेरणेचा जागर: शिवजयंतीनिमित्त भव्य सांस्कृतिक कार्यक्रमांचे आयोजननव्या पिढीत शौर्य, पराक्रम व मूल्यांची रुजवणूक करण्याचा उपक्रममान्यवरांच्या उपस्थितीत शिवचरित्रावर आधारित नाट्यप्रयोग व विविध कार्यक्रम
AB7
स्वराज्य प्रेरणेचा जागर: शिवजयंतीनिमित्त भव्य सांस्कृतिक कार्यक्रमांचे आयोजननव्या पिढीत शौर्य, पराक्रम व मूल्यांची रुजवणूक करण्याचा उपक्रममान्यवरांच्या उपस्थितीत शिवचरित्रावर आधारित नाट्यप्रयोग व विविध कार्यक्रम
अकोला : स्वराज्य संस्थापक छत्रपती शिवाजी महाराज यांच्या जयंतीनिमित्त त्यांच्या शौर्य, पराक्रम आणि जीवनमूल्यांचा प्रेरणादायी संदेश नव्या पिढीपर्यंत पोहोचविण्यासाठी सांस्कृतिक कार्य संचालनालय महाराष्ट्र राज्य व जिल्हा प्रशासन, अकोला यांच्या संयुक्त विद्यमाने भव्य सांस्कृतिक कार्यक्रमांचे आयोजन करण्यात आले आहे.
हा कार्यक्रम १८ व १९ फेब्रुवारी २०२६ रोजी सायंकाळी ५ ते ९ या वेळेत पदमानंद सभागृह, शंकरलाल खंडेलवाल महाविद्यालय, जुने शहर येथे पार पडणार आहे. कार्यक्रमात शिवरायांच्या जीवनावर आधारित भव्य नाट्यप्रयोग, देशभक्तिपर सादरीकरणे व विविध सांस्कृतिक उपक्रमांचा समावेश असणार आहे.
या कार्यक्रमाला कामगार मंत्री तथा अकोला जिल्ह्याचे पालकमंत्री ॲड. आकाश सुनिता पांडुरंग फुंडकर, आमदार रणधीर सावरकर, महापौर श्रीमती शारदा खेडकर, खासदार अनुप धोत्रे, आमदार अमोल मिटकरी, ॲड. किरण सरनाईक, आ.वसंत खंडेलवाल, आ.धीरज लिंगाडे, आ. प्रकाश भारसाकळे, आ. हरीश पिंपळे, आ. नितीन देशमुख, आ. साजिद खान पठाण, जिल्हाधिकारी वर्षा मीना, मुख्य कार्यकारी अधिकारी अनिता मेश्राम, पोलीस अधीक्षक अर्चित चांडक तसेच महानगरपालिका आयुक्त डॉ. सुनिल लहाने यांची प्रमुख उपस्थिती राहणार आहे.
आयोजकांच्या वतीने नागरिकांना आवाहन करण्यात आले आहे की, शिवजयंतीच्या या प्रेरणादायी सांस्कृतिक सोहळ्यात मोठ्या संख्येने सहभागी होऊन कार्यक्रमाची शोभा वाढवावी व शिवरायांच्या कार्यातून राष्ट्रप्रेम, स्वाभिमान आणि कर्तव्यभावनेचा संदेश आत्मसात करावा.
