पुण्यातील एफसी रोडवर तरुणाचा गळ्यावर वार करून आत्महत्येचा प्रयत्न
पुण्यातील एफसी रोडवरील खाऊ गल्लीत शनिवारी रात्री आदित्य सातपुते (वय ४१) यांनी स्वतःच्या गळ्यावर ब्लेडने वार करून आत्महत्येचा प्रयत्न केला. मूळचे मुंबईचे असलेले सातपुतेंनी मानसिक तणावात हे टोकाचे पाऊल उचलले. नागरिकांनी त्यांना तत्काळ खासगी रुग्णालयात दाखल केले असून सध्या त्यांच्यावर उपचार सुरू आहेत. नोकरी गमावल्याने आलेल्या तणावातून हे कृत्य केल्याचा प्राथमिक अंदाज पोलिसांनी वर्तविला आहे.
