सुट्टीवर आलेल्या जवानाची मित्रांकडूनच हत्या; अकोल्यातील जुना शहर परिसरातील घटना

सुट्टीवर आलेल्या जवानाची मित्रांकडूनच हत्या; अकोल्यातील जुना शहर परिसरातील घटना

अकोला : देशाच्या सीमेवरडोळ्यात तेल घालून रक्षण करणाऱ्या एका भारतीय लष्करातील जवानाचा त्याच्याच मित्र म्हणवणाऱ्यांनी घात केला आहे. अकोला शहरात जुना शहर पोलीस स्टेशनच्या हद्दीत घडलेल्या या धक्कादायक घटनेत, सुट्टीवर आलेल्या जवान सुशील तेलगोटे यांचा उपचारादरम्यान शुक्रवारी रात्री मृत्यू झाला. या घटनेमुळे संपूर्ण जिल्ह्यात साळबळ उडाली असून लष्करी आणि नागरी वर्तुळात तीव्र संताप व्यक्त केला जात आहे. मिळालेल्या माहितीनुसार, सुशील तेलगोटे हे देशसेवेतून काही दिवसांच्या सुट्टीवर आपल्या घरी अकोल्यात आले होते. बुधवार, २५ मार्च रोजी रात्री ते आपल्या काही मित्रांसोबत बाहेर गेले होते. मात्र, रात्रीच्या सुमारास झालेल्या एका वादाचे रूपांतर मोठ्या संघर्षात झाले. जुन्याअंतर्गत वैमनस्यातून किंवा तात्कालिक कारणावरून त्यांच्याच मित्रांनी सुशील यांच्यावर जीवघेणा हल्ला चढवला. या हल्लयात सुशील गंभीर जखमी झाले होते. त्यांना तातडीने अकोल्यातील एका खाजगी रुग्णालयात अतिदक्षता विभागात दाखल करण्यात आले होते. मात्र, जखमा गंभीर असल्याने त्यांची मृत्यूशी सुरू असलेली झुंज शुक्रवारी रात्री अपयशी ठरली. याप्रकरणी मृत जवानाचे वडील दिलीप दयाराम तेलगोटे यांनी जुना शहर पोलीस ठाण्यात दिलेल्या तक्रारीवरून पोलिसांनीतातडीने तपासचक्रे फिरवली. पोलिसांनी भारतीय न्याय संहितेच्या कलम १०९ आणि ३ (५) अंतर्गत गुन्हा दाखल केला असून, यात सहभागी असलेल्या तीन मुख्य संशयितांना ताब्यात घेतले आहे. यामध्ये यशवंत उर्फ गोलू गणेश ठाकूर (वय २७, रा. अकोली), जय विनोद मरिकर (रा. अकोली) आणि बाळा घुमाजी सोलापुरे (रा. अकोली) यांचा समावेश आहे. या आरोपींना न्यायालयात हजर करण्यात आले असून पोलीस अधिक तपास करत आहेत. हा हल्ला नेमका कोणत्या पूर्ववैमनस्यातून झाला की आणखी काही छुपे कारण होते, याचा शोध जुना शहर पोलीस घेत आहेत. रक्षणकल्यां जवानाची अशा प्रकारे भरवस्तीत आणि ओळखीच्या लोकांकडूनच हत्या झाल्याने अकोली परिसरात तणावपूर्ण शांतता आहे. आरोपींवर कठोर कायदेशीर कारवाई करण्याची मागणी आता नागरिकांकडून होत आहे.