अकोल्यात गॅसच्या रांगेत उभा असलेला वृद्ध खाली कोसळला, माजी सरपंचाचा मृत्यू
अकोला जिल्ह्यात एक धक्कादायक घटना घडली असून गॅसच्या रांगेत उभे असलेले अन्वी मिर्झापूर येथील माजी सरपंच शंकरराव शिरसाट यांचे निधन झाले आहे. यदुराज गॅस एजन्सी येथे सिलेंडरचा नंबर लावण्यासाठी ते रांगेत उभे असताना त्यांना अचानक चक्कर आली आणि ते खाली कोसळले. या घटनेत त्यांचा मृत्यू झाला, या घटनेमुळे परिसरात हळहळ व्यक्त केली जात असून नागरिकांमध्ये संतापाची लाट पसरली आहे.
