पत्नीचा छळ; पतीविरुद्ध गुन्हा दाखल

अकोला : प्रेमविवाह केल्यानंतर पत्नीचा सातत्याने मानसिक व शारीरिक छळ केल्याप्रकरणी पतीविरुद्ध २४ मार्च रोजी जुने शहर पोलिस ठाण्यात गुन्हा दाखल करण्यात आला आहे. ही घटना बाळापूर नाका, शांततानगर परिसरात उघडकीस आली.पोलिसांकडून मिळालेल्या माहितीनुसार, विवाहितेने दिलेल्या फिर्यादीवरून पती मयूर प्रकाश बुंदेले याच्याविरुद्ध गुन्हा नोंदविण्यात आला आहेफिर्यादीत नमूद केल्यानुसार, विवाहितेचा विवाह जून २०२३ रोजी आर्य समाज मंदिर, अकोला येथे मयूर बुंदेले यांच्यासोबत प्रेमविवाह झाला. त्यानंतर किरकोळ कारणांवरून पती वाद घालत मारहाण करू लागला. पतीकडून वारंवार शिवीगाळ, चारित्र्यावर संशय घेणे, तसेच माहेरून पैसे आणण्याचा दबाव टाकला जात असल्याचा आरोप फिर्यादीने केला आहे. ६ जानेवारी २०२६ रोजी दुपारी सुमारे ४ वाजण्याच्या सुमारास घरखर्चासाठी पैसे मागितल्यावर पतीने तिच्या गळ्यातील मंगळसूत्र हिसकावून घेत मारहाण केल्याचेही फिर्यादीत नमूद आहे. या सततच्या त्रासाला कंटाळून संबंधित महिला माहेरी निघून गेली असून, तिने पोलिसांत तक्रार दाखल केली.