पत्रकारांशी उद्धट वर्तन; एसटी कंडक्टरचा मनमानी कारभार उघडशासन मान्य सवलती नाकारणारा शेगाव–अकोला बसमधील कंडक्टर; कारवाईची जोरदार मागणी

पत्रकारांशी उद्धट वर्तन; एसटी कंडक्टरचा मनमानी कारभार उघडशासन मान्य सवलती नाकारणारा शेगाव–अकोला बसमधील कंडक्टर; कारवाईची जोरदार मागणी

अकोला : गुरुवार दिनांक 5/2/ 2026 रोजी शेगाव येथून अकोल्याकडे येत असताना MH49 BZ 7934 क्रमांकाच्या एसटी बसमध्ये एका मान्यताप्राप्त पत्रकारासोबत अत्यंत उद्धट व अपमानास्पद वर्तन केल्याचा गंभीर प्रकार उघडकीस आला आहे. शासनाने अधिकृतरित्या मान्य केलेली पत्रकार सवलत असतानाही संबंधित कंडक्टरने ती थेट नाकारत “नाही” असे उत्तर दिले आणि कोणतीही तपासणी न करता प्रवाशाशी वाद घालण्यास सुरुवात केली. पत्रकाराने शांतपणे शासन निर्णयाची माहिती दिली असता, संबंधित कंडक्टर ऐकण्याच्या मनःस्थितीत नसून, “तुम्ही बसा, चेकिंग झाली तर तुमच्या रिस्कवर बसा” असे उद्दाम वर्तन करत उद्धट शब्द वापरले. अखेर पत्रकाराने वाहतूक नियंत्रण शाखेला फोन करून कंडक्टरकडे फोन दिल्यानंतर, वरिष्ठ अधिकाऱ्यांनी कंडक्टरच्या मशीनमध्ये तपासणी करून पत्रकार सवलत उपलब्ध असल्याचे स्पष्ट केले, त्यानंतरच प्रवाशाला बसमध्ये बसू देण्यात आले. हा प्रकार केवळ पत्रकारांशी झालेल्या गैरवर्तनापुरता मर्यादित नसून, सामान्य नागरिकांशी हे कंडक्टर कसे वागत असतील, याचेही हे जिवंत उदाहरण असल्याचे बोलले जात आहे. शासन सवलती म्हणजे “फुकट प्रवास” असल्याचा गैरसमज अनेक कंडक्टरांकडे असून, या सवलतींचा खर्च शासनाकडून महामंडळाला दिला जातो, याची साधी माहितीही काही कर्मचाऱ्यांना नसल्याचे या घटनेतून स्पष्ट होते. विशेष म्हणजे, शेगाव–अकोला ही बस दिवसभर फेऱ्या मारत असल्याने, अशा प्रकारच्या कंडक्टरमुळे अनेक प्रवाशांना मानसिक त्रास, अपमान आणि अडचणींचा सामना करावा लागत असण्याची शक्यता नाकारता येत नाही.प्रमुख मागण्या :संबंधित उद्धट कंडक्टरवर तात्काळ शिस्तभंगाची कारवाई करावीसर्व कंडक्टरना तिकीट मशीनमधील सवलती व शासन निर्णयांचे सक्तीचे प्रशिक्षण द्यावेप्रशिक्षण पूर्ण न करता ड्युटीवर पाठवू नयेप्रवाशांशी गैरवर्तन करणाऱ्या कर्मचाऱ्यांवर कठोर दंडात्मक कारवाई करावी. एसटी महामंडळाने अशा गंभीर बाबींकडे दुर्लक्ष न करता, प्रवासी व पत्रकारांचा सन्मान राखण्यासाठी तत्काळ ठोस पावले उचलावीत, अशी जोरदार मागणी नागरिक व पत्रकारांकडून होत आहे.