मिरवणुकीत भंडाऱ्याने पेट घेतला, १६ जण होरपळले
जेजुरी : जेजुरी येथे निकाल जाहीर झाल्यानंतर गडाच्या पहिल्या पायरीजवळ खंडेरायाचरणी भंडारा अर्पण करताना अचानक भंडाऱ्याचा भडका उडला. या घटनेत सुमारे १६ जण होरपळले. यात निवडून आलेल्या राष्ट्रवादी काँग्रेसच्या नगरसेविका मोनिका राहुल घाडगे आणि त्यांचे पती राहुल घाडगे यांच्यासह नगरसेविका स्वरूपा खोमणे यांचा समावेश आहे. ही घटना दुपारी ३ वाजता घडली. घटनेत होरपळलेल्या जखमींना तातडीने येथील खासगी आणि सरकारी रुग्णालयातदाखल करण्यात आले आहे. ज्वलनशील आणि भेसळयुक्त भंडाऱ्यामुळे मोठा भडका उडाल्याचे सांगण्यात आले.नेमके घडले काय ?निकाल जाहीर झाल्यानंतर विजयी उमेदवार व कार्यकर्ते गडाच्या पहिल्या पायरीजवळ भंडारा अर्पण करण्यासाठी गेले होते. या ठिकाणी भंडाऱ्याने अचानक पेट घेतल, तसेच त्याचा स्फोटही झाला. भेसळयुक्त भंडाऱ्याच्या विक्रीवर कडक कारवाई करणार असल्याचे नवनिर्वाचित नगराध्यक्ष जयदीप बारभाई यांनी सांगितले.
