वर्धा जिल्हा रुग्णालयातील ‘स्टोअर रूम’ला आगशॉर्टसर्किट झाल्याने उडाला भडका : सुदैवाने कुणाला दुखापत नाही, प्रशासनाची उडाली धावपळ

वर्धा जिल्हा रुग्णालयातील ‘स्टोअर रूम’ला आगशॉर्टसर्किट झाल्याने उडाला भडका : सुदैवाने कुणाला दुखापत नाही, प्रशासनाची उडाली धावपळ

वर्धा : जिल्हा सामान्य रुग्णालयाच्या इमारत क्रमांक-२ मध्ये शॉर्टसर्किटमुळे आग लागली. ही घटना दुपारी २.३० वाजेच्या सुमारास घडली. तत्काळ लगतच्या वॉर्डातील रुग्णांना इतरत्र स्थलांतरित करून अग्निशमन बंबाने पोहचून आगीवर नियंत्रण मिळवले. यात खोलीतील साहित्य जळून खाक झाले. सुदैवाने कुणालाही दुखापत झाली नाही. जिल्हा सामान्य रुग्णालयाच्या इमारत क्रमांक २ मध्ये असलेल्या ‘स्टोअर रूम’ला दुपारच्या सुमारास शॉर्टसर्किटमुळे आग लागली. या खोलीत ब्लॅकेट, औषधीच्या बाटल्या व इतर साहित्य तसेच काही कागदपत्रे होती. ते सर्व जळून खाक झाले. आगीने रौद्ररूप धारण करताच रुग्णालयातील डॉक्टर व कर्मचाऱ्यांनी धाव घेत इमारतीतील रुग्णांना इतरत्र स्थलांतरित केल्याने मोठी दुर्घटना टळली. तत्काळ पालिकेच्या अग्निशमन विभागाच्या बंबाला पाचारण करण्यात आले. जवळपास दोन ते तीन अग्निशमन बंबाने पाण्याचा फवारा मारून आग आटोक्यात आणली. घटनास्थळी उपविभागीय पोलिस अधिकारी प्रमोद मकेश्वर, पोलिस निरीक्षक संतोष ताले, पोलिस निरीक्षक अजय भुसारी यांच्यासह कर्मचारी दाखल झाले होते.बाजूलाच होता बालरुग्ण विभागजिल्हा रुग्णालयातील इमारत क्रमांक २ मधील दुसऱ्या माळ्यावर ज्या खोलीत आग लागली त्याच्या बाजूलाच बालरुग्ण विभाग होता. आगीचे लोळ उठताना दिसताच तातडीने इमारतीतील रुग्णांना स्थलांतरित करण्यात आले. वेळीच उपाययोजना सुरू केल्याने कुणालाही दुखापत झाली नाही.