एकीकडे निकालांची धामधूम, तर दुसरीकडे राज ठाकरे अॅक्शन मोडमध्ये:
मुंबईत काय घडत आहे?राज्यात नगरपरिषद आणि नगरपंचायत निवडणुकांचे निकाल जाहीर होत असताना, मनसे अध्यक्ष Raj ठाकरे मुंबईत सक्रिय झाले आहेत राज ठाकरे हे मुंबई महानगरपालिका निवडणुकांच्या तयारीसाठी पूर्णपणे ॲक्शन मोडमध्ये असून, आज पश्चिम उपनगरातील आठ महत्त्वाच्या शाखांचे उद्घाटन करत कार्यकर्त्यांना प्रोत्साहन देणार आहेत.सध्या राज्यातील अनेक नगरपरिषद आणि नगरपालिका निवडणुकांमध्ये महायुतीने सुरुवातीच्या प्राथमिक कलांमध्ये मोठी आघाडी घेतली आहे. भाजप कार्यकर्त्यांकडून यावर जोरदार जल्लोष होत आहे. या पार्श्वभूमीवर आगामी मुंबई महानगरपालिका निवडणुकांच्या तयारीसाठी राज ठाकरे सक्रिय झाले आहेत. त्यांनी पश्चिम उपनगरातील कार्यालयांचे उद्घाटन करून पक्षाची पुनर्बांधणी करण्याचे काम सुरू केले आहे.राज ठाकरेचा मुंबई दौरा राज ठाकरे हे दोन दिवस मुंबई दौऱ्यावर आहेत. काल त्यांनी दक्षिण आणि पूर्व उपनगरांत आपले शक्तीप्रदर्शन केले. आज सकाळी Raj ठाकरे शिवतीर्थ निवासस्थानाहून रवाना झाले. त्यांनी पश्चिम उपनगरातील गोरेगाव पश्चिम येथील मोतीलाल नगर (शाखा ५६), मालाडमधील एच पी शॉपिंग सेंटर (शाखा ४६), दत्ता मंदिर रोड (शाखा ३६), कुरार व्हिलेज (शाखा ३७), बोरीवली पश्चिमेकडील सत्यविजय सोसायटी (शाखा १८), एक्सर मच्छी मार्केट (शाखा १०), दहिसर पश्चिमेतील रामचंद्र पावसकर मार्गावरील शाखा (शाखा ७) आणि जोगेश्वरी पूर्वातील JVLR जवळील शाखा ७४ चे उद्घाटन केले.
