राज ठाकरेंनी पहिल्यांदाच उद्धव ठाकरेंना गद्दार म्हटले? भर सभेत मागचं सगळं काढलं

आज विधानसभा निवडणुकीच्या प्रचाराचा शेवटाचा दिवस आहे. प्रचारासाठी आता अवघे काही तास शिल्लक राहिले आहेत. दरम्यान आज महाराष्ट्र नविर्माण सेनेचे अध्यक्ष राज ठाकरे यांची लालबाग मेघवाडी येथे मनसे उमेदवार बाळा नांदगावकर यांच्यासाठी शेवटची प्रचार सभा झाली. या सभेत बोलताना राज ठाकरे यांनी शिवसेना ठाकरे गटाचे प्रमुख उद्धव ठाकरे यांच्यावर जोरदार हल्लाबोल केला आहे. 2019 मध्ये विधानसभेची निवडणूक झाली. तेव्हा जनतेनं काँग्रेस, राष्ट्रवादी नको म्हणून भाजप-शिवसेनेच्या पारड्यात मत टाकलं. मात्र त्यानंतर एक पक्ष उठला आणि स्वत:च्या स्वार्थासाठी विरोधकांच्या मांडीला मांडी लावून सत्तेत आला. हा तुमच्या मताचा अपमान नाही का? असा सवाल यावेळी राज ठाकरे यांनी केला आहे.

राज ठाकरे यांनी या प्रचारसभेत बोलताना उद्धव ठाकरे यांच्यावर जोरदार हल्लाबोल केला आहे.  2019 मध्ये विधानसभेची निवडणूक झाली. तेव्हा जनतेनं काँग्रेस, राष्ट्रवादी नको म्हणून भाजप-शिवसेनेच्या पारड्यात मत टाकलं. मात्र त्यानंतर एक पक्ष उठला आणि स्वत:च्या स्वार्थासाठी विरोधकांच्या मांडीला मांडी लावून सत्तेत आला, का तर मुख्यमंत्रिपद पाहिजे म्हणून, हा तुमच्या मताचा अपमान नाही का? असा सवाल यावेळी राज ठाकरे यांनी केला आहे.

पुढे बोलताना ते म्हणाले की बाळासाहेब देखील अनेकदा आपल्या भाषणांमध्ये मशिदीवरील भोंग्यांबाबत बोलले होते. त्यांची देखील मशिदीवरील भोंगे हटवण्याची इच्छा होती. ते काम माझ्या पक्षानं केलं तर यांनी माझ्या सतरा हजार मनसैनिकांवर गुन्हे दाखल केले. यांना यांचा पक्ष सांभाळता आला नाही, आमदार फुटले त्यांना हे गद्दार म्हणतायेत. अरे गद्दार तर इथे आहे जो घरामध्ये बसला आहे. गद्दारी तर यांनी पक्षासी केली असा हल्लाबोल यावेळी राज ठाकरे यांनी केला आहे.  दरम्यान यावेळी बोलताना राज ठाकरे यांनी राष्ट्रवादी शरद पवार गटावर देखील जोरदार हल्लाबोल केला. बाळा नांदगावकर यांच्या समोरील रेल्वे इंजिनचं बटन दाबून त्यांना प्रचंड बहुमतानं विजयी करा असं आवाहन देखील त्यांनी यावेळी केलं.