कोराडी वसाहतीत बिबट्याचा धुडगूस संपवून भयमुक्त वातावरण; सुरक्षा टीमचा नागरिकांकडून सन्मान!*

कोराडी वसाहतीत बिबट्याचा धुडगूस संपवून भयमुक्त वातावरण; सुरक्षा टीमचा नागरिकांकडून सन्मान!

कोराडी : कोराडी वसाहती परिसरात घडलेल्या बिबट्याच्या शिरकावाने नागरिकांमध्ये भीतीचे वातावरण पसरले होते. या परिस्थितीत मा. श्री देवेंद्रजी राठोड, वरिष्ठ व्यवस्थापक सुरक्षा यांच्या कुशल नेतृत्व खाली श्री पी.पी. उमरकर, उप व्यवस्थापक सुरक्षा व त्यांच्या टीमने अतिशय शिताफीने आणि सुरक्षित पद्धतीने बिबट्याला जेरबंद केले. ही धाडसी कारवाई केवळ वसाहतीतील नागरिकांचे जीवन व संपत्तीचे रक्षण करणारीच नव्हे, तर परिसर भयमुक्त करणारी ठरली. यानिमित्ताने, 26 जानेवारी प्रजासत्ताक दिनाचे औचित्य साधत नागरिकांनी मनोरंजन केंद्र क्रमांक दोन वतीने श्री देवेंद्रजी राठोड साहेब व त्यांच्या संपूर्ण टीमचा सत्कार समारंभ आयोजित केला. सत्कार सोहळ्यात नागरिकांनी या टीमच्या परिश्रमांबद्दल कृतज्ञता व्यक्त केली व त्यांच्या कार्याचे भरभरून कौतुक केले. या उपक्रमाने नागरिकांमध्ये सुरक्षिततेबाबत नवचैतन्य निर्माण झाले आहे. “सुरक्षा टीमच्या वेळीच घेतलेल्या योग्य निर्णयामुळे आज वसाहतीतील वातावरण भयमुक्त झाले आहे,” असे नागरिकांनी यावेळी सांगितले. सामाजिक बांधिलकी व जबाबदारीचे उत्कृष्ट उदाहरण ठरलेल्या या घटनेने सुरक्षा विभागाचा गौरव वाढला आहे.