दुसऱ्या मजल्यावर पाणी मारताना तोल जाऊन सुरक्षा रक्षकाचा मृत्यू
जळगाव : शहरातील चंदू अण्णानगररिसरातील गिरणाई कॉलनी भागातील एका बांधकामाच्या ठिकाणी दुसऱ्या मजल्यावर पाणी मारत असताना तोल जाऊन एका सुरक्षा रक्षकाचा मृत्यू झाल्याची घटना रविवारी रात्री ९ वाजता घडली. या प्रकरणी तालुका पोलिस ठाण्यात अकस्मात मृत्यूची नोंद आहे. मनोहर ढेमा बारेला (वय ३०, रा.उंबऱ्या, ता. भगवानपूर, जि. खरगोन, मध्य प्रदेश) असे मृत झालेल्या सुरक्षारक्षकाचे नाव आहे.मनोहर बारेला हे गेल्या दीड वर्षापासून शहरातील नरेंद्र साळुंखे यांच्या बांधकामाच्या ठिकाणी सुरक्षारक्षक म्हणून काम करत होते. परिसरातील एका ठिकाणी झोपडीत मनोहर बारेलासह पत्नी व मुले असा परिवार होता. रविवारी रात्री नियमितप्रमाणे बांधकामाच्या ठिकाणी जाऊन पाणी मारत असताना दुसऱ्या मजल्यावरून तोल गेल्याने ते खाली पडले. त्यांना लागलीच जिल्हा शासकीय वैद्यकीय महाविद्यालय व रुग्णालयात उपचारासाठी दाखल करण्यात आले. त्याठिकाणी डॉक्टरांनी तपासून त्यांना मृत घोषित केल्याची माहिती तालुका पोलिसांनी दिली.वॉल कंपाउंडच्या भिंतीवर पडल्याने झाला मृत्यू..तोल गेल्यामुळे खालच्या बाजूला वाळू व इतर बांधकाम साहित्य होते. तर बांधकामाच्या ठिकाणी वॉल कंपाउंडची भिंतदेखील तयार करण्यात आली होती.९वाजेच्या सुमारास ही घटना घडली. कोणी ढकलल्याचा संशय आहे,मनोहर हे दुसऱ्या मजल्यावरून थेट वॉलकंपाउंडच्या भिंतीवर आदळले. त्यामुळे त्यांच्या डोक्याला जबर जखम झाल्याने त्यांचा मृत्यू झाल्याचे बोलले जात आहे.दरम्यान, या घटनेप्रकरणी मनोहर ढेमा बारेला यांच्या नातेवाइकांनी दिलेल्या माहितीनुसार त्यांना दुसऱ्या मजल्यावरून कोणीतरी ढकलले. त्यामुळे ते दुसऱ्या मजल्यावरून कोसळले, असा आरोप केला आहे.या प्रकरणी जळगाव तालुका पोलिस स्टेशनमध्ये अकस्मात मृत्यूची नोंद करण्यात आली आहे. पुढील तपास अनिल फेगडे हे करत आहेत.त्यांना लागलीच जिल्हा शासकीय वैद्यकीय महाविद्यालय व रुग्णालयात उपचारासाठी दाखल करण्यात आले.
त्याठिकाणी डॉक्टरांनी तपासून त्यांना मृत घोषित केल्याची माहिती तालुका पोलिसांनी दिली.
