मेहनतीवर विश्वास ठेवा, प्रामाणिक प्रयत्नांतून यश संपादन करा पालकमंत्री आकाश फुंडकर यांच्याकडून दहावी- बारावीच्या विद्यार्थ्यांना शुभेच्छा

> *मेहनतीवर विश्वास ठेवा, प्रामाणिक प्रयत्नांतून यश संपादन करा पालकमंत्री आकाश फुंडकर यांच्याकडून दहावी- बारावीच्या विद्यार्थ्यांना शुभेच्छा*

अकोला, दि. ११ : शिक्षण केवळ गुणांसाठी नसून ते ज्ञानवृद्धी आणि जीवनमूल्य घडविण्याचे साधन आहे. स्वत:च्या मेहनतीवर विश्वास ठेवा आणि प्रामाणिक प्रयत्नांतून यश संपादन करा. आपल्या उज्ज्वल भविष्यासाठी शासन- प्रशासन आपल्यासोबत आहे, अशा शब्दात राज्याचे कामगार मंत्री तथा जिल्ह्याचे पालकमंत्री आकाश फुंडकर यांनी दहावी, बारावीच्या विद्यार्थ्यांना शुभेच्छा दिल्या आहेत. दहावी व बारावीच्या परीक्षा निकोप वातावरणात सुरळीत पार पाडण्यासाठी मुख्यमंत्री देवेंद्र फडणवीस यांच्या १०० दिवस कृती आराखडा कार्यक्रमांतर्गत शिक्षणमंत्री दादा भुसे यांच्या मार्गदर्शनानुसार कॉपीमुक्त व भयमुक्त परीक्षा अभियानात जिल्ह्यातील सर्व शाळा, महाविद्यालये, विद्यार्थ्यांनी स्वयंस्फूर्तीने सहभागी व्हावे, असे आवाहन पालकमंत्र्यांनी केले आहे. आगामी परीक्षा काळात जिल्ह्यातील सर्व परीक्षा केंद्रे कॉपीमुक्त व भयमुक्त राहतील यासाठी जिल्हा प्रशासनातर्फे नियोजनपूर्वक विविध उपाययोजना करण्यात येत आहेत. त्याच धर्तीवर पारदर्शक परीक्षा प्रक्रियेत सहभागी होण्याचे आवाहन करून पालकमंत्र्यांनी सर्व विद्यार्थ्यांना परीक्षेसाठी शुभेच्छा दिल्या आहेत.