> *आज स्वराज्य भवन येथे मूर्ख संमेलनाचे आयोजन*
> *उत्सवाला पाच दशकांची परंपरा*
अकोला : जिल्ह्यात प्रसिद्ध असे होळीच्या दुसऱ्या दिवशी रंगपंचमी ला होणारे मूर्ख संमेलन शुक्रवार ता.१४ मार्च रोजी स्वराज्य भवन अकोला येथे सायंकाळी ६ वाजता आयोजित करण्यात आले आहे. संमेलनाचे यंदाचे हे ५३ वे वर्ष आहे. होळीच्या शुभ पर्वावर अकोल्यात मूर्ख संमेलनाची परंपरा आहे. गेल्या ५२ वर्षापासून ही परंपरा आजतागायत कायम असून यंदाचे उत्सवाचे ५३ नावे वर्ष आहे. संस्थापक स्व. रामकिशोर श्रीवास गुरुजी यांनी या उत्सवाची सुरुवात केली होती. यंदा १४ मार्च रोजी स्वराज्य भवन येथे सायंकाळी ६ वाजता उत्सव साजरा होणार आहे. तरी या उत्सवाला उपस्थित राहून कार्यक्रमाची शोभा वाढवावी असे आवाहन अध्यक्ष विशाल प्रदीप शर्मा कार्यकारी संयोजक सर्वेशचंद्र कटियार, संयोजक डॉ. प्रा. कोमल राजेंद्र श्रीवास यांनी केले आहे.
> “*या कलाकारांचा समावेश*
मूर्ख संमेलनात शाहीर वसंत मानवटकर, महादेवराव भुईभार, उमेश उर्फ डब्बू शर्मा, अँड अनंत खेळकर, किशोर बळी, शिवलाल माझोडकर, भारत बरोटे, ऋषीकेश बरोटे, देविदास चव्हाण, प्रशांत गवई, नामदेव गवळी, विशाल राखुंडे, कैलास शिरसाठ, श्रावणी जैन, एस कुमार सदांशिव, तुलसी साळुंखे, भक्ती साळुंखे, दर्शनी राजूरकर, रवी खंडारे, सुनील लबडे, जानवी पालनकर, विद्या इंगळे, विशाल वाघमारे, प्रशांत मुंडे, परिपाकरे श्रावण कुमार मस्ताना, विकी मेश्राम, हिम्मत किशोरीलाल ढाले आदींचा समावेश आहे.
> *मूर्खाधीराजची निघणार मिरवणूक*
मुर्खाधिराजची सिटी कोतवाली मागून दुपारी ४ वाजता स्वराज्य भवन पर्यंत जुलूस मिरवणूक निघणार आहे. ही मिरवणूक कपडा बाजार, जैन मंदिर, गांधी चौक, महानगरपालिका, प्रमिलाताई ओक हॉल, स्वराज भवन च्या प्रांगणापर्यंत जाईल. यामध्ये जनतेने सहभागी होण्याचे आवाहन आयोजकांच्या वतीने केले आहेत
