प्रशासकीय अधिकाऱ्यांची गाडी थांबली. आणि जिल्हा सवीपचार रूग्णालया समोरची चौपाटी अचानक स्वच्छ झाली.

सर्वोपचार समोरील चौपाटी परिसर मोकळा झाला

अकोला : जिल्हा रुग्णालय समोरील चौपाटीपरिसर बुधवारी सायंकाळी मोकळा झाला. अकोलेकरांनी आश्चर्य व्यक्त केले. रोज अकोलेकरांना त्रास सहन करावा लागला होता. परंतु अचानक ही चौपाटी साफ झाल्याने आश्चर्य व्यक्त केले जात आहे.वरिष्ठ प्रशासकीय अधिकाऱ्यांची गाडी थांबली. आणि जिल्हा सवीपचार रूग्णालया समोरची चौपाटी अचानक स्वच्छ झाली. रुग्णालयातील रुग्ण व नातेवाईकांनी सुटकेचा निःश्वास सोडला. रोजच रस्त्यावर होणारी गर्दी, कचरा आणि अनागोंदीचा सामना करणाऱ्या अकोलेकरांना वेगळंच दृश्य पाहायला मिळालं. वरिष्ठ प्रशासकीय अधिकाऱ्यांची गाडी या मागीवर थांबल्याने महापालिका व पोलिस प्रशासनाने हीचौपाटी साफ करून टाकली. सामान्य जनतेला रोज या चौपाटीचा त्रास असून थेट रस्त्यावरची पार्किंग ही मुख्य समस्या या चौपाटीची आहे. त्यामुळे अनेक अपघात येथे झाले. शासकीय वैद्यकीय महाविद्यालय, मुख्य शासकीय कार्यालय आणि परिसरातील इतर नागरिकांना या चौपाटीचा रोजचा त्रास झाला होता. एका वरिष्ठ अधिकाऱ्याची गाडी बेशिस्त पार्किंगमुळे थांबली.त्यानंतर पोलिस व महापालिका प्रशासनाने अखेर सायंकाळी या चौपाटीवरील सगळ्या खाद्यविक्रेतांना हटविले. अन्न व औषध प्रशासन विभागाचे या चौपाटीकडे अर्थपूर्ण दुर्लक्ष असून वरिष्ठ प्रशासकीय अधिकाऱ्यांनी येथील खाद्य विक्रेत्यांच्या परवान्याची तपासणी करण्याची गरज व्यक्त केली जात आहे.