शिक्षकांच्या प्रश्नासाठी मी खंबीरपणे उभा राहील : खासदार अनुप धोत्रे
अकोला : शिक्षकांचे प्रश्नसोडविण्यासाठी आपण कटीबद्ध आहोत. तसेच त्यासाठी खंबीरपणे उभा राहिल अशी ग्वाही खासदार अनुप धोत्रे यांनी दिली. महाराष्ट्र राज्य खाजगी शिक्षक संघटनेच्या वतीने जिल्ह्यातील खाजगी प्राथमिक शिक्षकांचा मेळावा तसेच शिक्षण क्षेत्रात प्रेरणादायी कार्य करणारे संस्थाचालक, मुख्याध्यापक, शिक्षक व सेवानिवृत्त शिक्षक यांचा सत्कार जिल्हा परिषद कर्मचारी भवन येथे आयोजित करण्यात आला होता. कार्यक्रमाचे उद्घाटक म्हणून खासदार धोत्रे बोलत होते. कार्यक्रमाच्या अध्यक्षस्थानी शिक्षक आमदार किरणराव सरनाईक, तर प्रमुख अतिथी राष्ट्रवादी काँग्रेसचे नेते मोहम्मद मोहम्मद बुद्रुजम्मा, सुनील जानोरकर, अतुल भालतिलक, रितेश मिर्झापुरे, प्रकाश डवले, संजय देशमुख,दिनेश काटे, मो. कमरुद्दीन, ज्ञानेश्वर चव्हाण, दिपक कुळकर्णी, जमीर पटेल तसेच शिक्षण क्षेत्रातील मान्यवर उपस्थित होते. खासदार अनुप धोत्रे यांनी शिक्षकांचे राज्यस्तरीय व केंद्रस्तरीय प्रश्न सोडवण्यासाठी शासनस्तरावर पुढाकार घेण्याचा शब्द दिला. आमदार किरणराव सरनाईक यांनी संघटनेने प्रेरणादायी शिक्षण रत्न पुरस्काराचे आयोजन केल्याबद्दल कौतुक केले. प्रास्ताविकात मनीष गावंडे यांनी संघटनेचा प्रवास व शिक्षकांच्या प्रमुख मागण्या मान्यवरांसमोर मांडल्या. जिल्ह्यातील प्रेरणादायी संस्थाचालक, मुख्याध्यापक,शिक्षक व सेवानिवृत्त शिक्षक यांचा खासदार धोत्रे व आ. सरनाईक यांच्या हस्ते पुरस्कार देऊन गौरव करण्यात आला. कार्यक्रमाच्या यशस्वीतेसाठी अल्केश खंडकर मोहम्मद जावेदजमा, प्रमोद गाठे, अविनाश मते, कैलास सुरडकर, गजानन सवडतकर, नितीन दिवनाले, संतोष गावंडे, दत्ता अमानकर, सचिन अरबाड, सुदर्शन भिसे, अजीमुद्दीन राही, वसीम मुजाहिद, अमित शिरसाट, मोहम्मद वसिम, अमोल पटोकार, अमोल वानखडे, मिलिंद कराडे, मोहम्मद खालिद, सचिन तायडे, दत्ता घोंगे, मोहम्मद वसीम आदींनी परिश्रम घेतले.
