प्रेयसी निघून गेल्याने युवकाची आत्महत्या

राहेरी बु. : प्रेयसी घरातून निघूनगेल्याने वर्दडी येथील २५ वर्षीय युवकाने विष प्राशन करून आत्महत्या केली. ही घटना १९ मार्च रोजी घडली. समाधान लक्ष्मण आटोळे असे मृतक युवकाचे नाव आहे. या युवकाने आत्महत्येपूर्वी समाजमाध्यमावर अखेरचा व्हिडिओ शेअर केला होता. समाधान आटोळे याचा दोन-तीन वर्षांपूर्वी एका महिलेशी विवाह झाला होता. समाधान व त्याचे कुटुंबीय आर्थिकदृष्ट्या हलाखीत असून, दुसऱ्यांच्या शेतात मजुरी करून उदरनिर्वाह करत होते. मात्र, मागील काही महिन्यांपासून केशवशिवणी गावातील एका महिलेशी त्याचे प्रेमसंबंध जुळले होते. समाधान पत्नी व प्रेयसीसह वेगळे राहत होता.

१३ मार्च रोजी प्रेयसी कोणाला काहीही न सांगता घरातून निघून गेल्याने समाधान अस्वस्थ झाला. तो दारू पिऊन स्वतःला सावरण्याचा प्रयत्न करू लागला. अखेर, १९ मार्च रोजी दुपारी ३:३० वाजता समाधानने केशवशिवणी-दुसरबीड रस्त्यावर विष प्राशन केले होते.