मॉर्निंग वॉक करिता गेलेल्या महिलेची गळा आवळून हत्या; किरकोळ वादातून घडला थरार, अकोल्यातील घटना

अकोला: अकोल्यातील जुना हिंगणा येथील शेजारी राहणाऱ्या दोन जणांच्या किरकोळ वादातून एका महिलेची हत्या झाल्याची घटना आज पहाटे घडली आहे. बी ए न्यूज 24सविता ताथोड असे 48 वर्षीय मृत महिलेचे नाव असल्याचे समजते.सूत्रांनी दिलेल्या माहितीनुसार, मृतक सविता ताथोड आणि त्यांचा मारेकरी धीरज चुंगडे यांच्या मध्ये दोन महिन्याआधी किरकोळ वाद झाला होता. दरम्यान आज सविता ताथोड savita tathod या पहाटे सहाच्या सुमारास शेजारी राहणाऱ्या एका महिलेसोबत मॉर्निंग वॉक करिता गेल्या असता, आरोपी धीरजने घराच्या काही अंतरावरच असलेल्या मुख्य रस्त्यावर सविता ताथोड यांना अडवून गळा आवळला आणि खाली पाडले. सोबत असलेल्या महीलेनी आणि तेथून जाणाऱ्या एका व्यक्तीने ताथोड यांची सुटका करण्याचा प्रयत्न केला. मात्र, आरोपीने ताथोड यांचं डोकं रस्त्यावर आपटून त्यांना रक्तबंबाळ केलं. काही वेळातच सविता ताथोड यांचा मृत्यू झाला. यानंतर आरोपीने येथून पळ काढला. पोलीस घटनास्थळी पोहचली असून पुढील तपास करीत आहे. मात्र किरकोळ वादातून झालेल्या या हत्येमुळे गावात हळहळ व्यक्त होत असून, शांतता पसरली आहे.