पतीचा खून करणारी पत्नी वारसदार होऊ शकत नाहीदिवाणी न्या. अविनाश गोरे यांचा महत्त्वपूर्ण निर्णय

नांदेड : पतीच्या नैसर्गिक किंवा अकाली निधनानंतर पत्नीच त्याची पहिली वारसदार असते. परंतु पतीचा पत्नीने खून केल्यास किंवा खुनासाठी प्रोत्साहन दिल्यास ती पत्नी वारसदार होऊ शकत नाही, असा महत्त्वपूर्ण निर्णय दिवाणी न्या. अविनाश गोरे यांनी दिला. तसेच मयताचा मुलगा आणि दोन्ही मुलींच्या हक्कात वारसा प्रमाणपत्र दिले.खेमसिंग पूजारी यांचा १४ ऑगस्ट २०२४ रोजी खून झाला होता. खेमसिंग यांच्या खुनाच्या प्रकरणात नांदेड ग्रामीण पोलिस ठाण्यात खेमसिंगच्या पत्नीवर गुन्हा दाखल करण्यात आला होता. त्यातच खेमसिंग यांचा मुलगा बेद्राजसिंग आणि मुली गुरप्रीत कौर आणि हरविंदर कौर यांनी वारसा प्रमाणपत्र मिळाले म्हणून न्यायालयात अर्ज केला होता. सदरील प्रकरणात मयताची पत्नीनेही न्यायालयात हजरहोऊन वारसा प्रमाणपत्र मिळावे म्हणून जबाब दाखल केला. त्यानंतर खेमसिंग यांची मुले बेद्राजसिंग, गुरप्रीत कौर व हरविंदर कौर यांच्या वतीने अॅड. शिवराज पाटील न्यायालयात बाजू मांडली. जर पत्नीने पतीचा खून केला असेल किंवा खून करण्यास प्रोत्साहन दिले तर तिला हिंदू उत्तराधिकारी कायदा कलम २५ नुसार पतीचे वारस प्रमाणपत्र मिळण्यास अपात्र ठरते.१४ऑगस्ट २०२४ रोजी झाली होती खूनाची घटनातसेच साक्षी पुरावा म्हणून खेमसिंग यांच्या खून प्रकरणात त्यांच्या पत्नीवर दाखल असलेल्या एफआयआरची प्रत दिली. न्या. अविनाश गोरे यांनी साक्षी पुरावे तपासून व युक्तिवाद ऐकून पत्नी ही वारसदार होऊ शकत नाही असा आदेश दिला. अॅड. पाटील यांना अॅड. तापडिया, अॅड. प्रियंका कैवारे, अॅड. सचिन दवणे, अॅड. सुनील खंदारे यांनी मदत के