भारतीय जनता पार्टी अल्पसंख्याक विभागाचे राष्ट्रीय अध्यक्ष जमाल सिद्दीकी यांनी दिवंगत चांद खान यांच्या परीवाराची घेतली भेट
AB7
भारतीय जनता पार्टी अल्पसंख्याक विभागाचे राष्ट्रीय अध्यक्ष जमाल सिद्दीकी यांनी दिवंगत चांद खान यांच्या परीवाराची घेतली भेट
सबहेड – दिवंगत चांद खान यांच्या सि.के. फाउंडेशन या सामाजिक संस्थेला सरकारी मदतीकरिता कटीबद्ध
अकोला – समाजसेवक व भाजपा अल्पसंख्यांक मोर्चाचे प्रदेश सरचिटणीस दिवंगत चांद खान यांची पक्षामध्ये चांगली पकड होती. अकोला दौऱ्यावर आलेले भाजपा अल्पसंख्यांक मोर्चाचे राष्ट्रीय अध्यक्ष जमाल सिद्दीकी यांनी दिवंगत चांद खान यांच्या परिवाराची भेट घेवून परिवाराची सांत्वना केली. यावेळी त्यांनी सांगितले की, चांद खान गेल्या 25 वर्षापासून समाजसेवा करणारे एक चांगले युवा समाजसेवक होते. चांद खान यांनी सामाजिक दायित्व हे नियमितपणे पार पाडले. ज्याकरिता चांद खान यांनी सी. के. फाऊंडेशनची स्थापना सुद्धा केली होती.
त्यांच्या सी. के. फाऊंडेशनचे कार्य नियमितपणे सुरु राहण्याकरिता सरकारतर्फे आवश्यक त्या मदतीकरिता मी कटीबद्ध असल्याचे प्रतिपादन भारतीय जनता पार्टी अल्पसंख्याक विभागाचे राष्ट्रीय अध्यक्ष जमाल सिद्दीकी यांनी केले.
यावेळी भाजपा अल्पसंख्यांक मोर्चाचे प्रदेश महामंत्री जुनेद खान, नागपूर भाजपाचे रहीम भाई, श्रीराम ट्रान्सपोर्ट चे जावेद खान, लाल बंगला ट्रस्टचे अध्यक्ष जमील अहमद खान, जश्ने ईद-ए-मिलादुन्नबी जुलुस चे अध्यक्ष हाजी मुदाम खान, जावेद जकारिया, सलीम खान, सैय्यद बाबर, नईम भाई, युनूस खान, सोहेल खान, साजिद खान, जिशान खान, फैजान चांद खान, जमीर खान आदी यावेळी प्रामुख्याने उपस्थित होते.
